TULADHA HASTUNGKARA

Hastungkara Pambuka

(donga pambuka)

Assalamu’alaikum wr. wb

Ø  Bapa/Ibu Dwija ingkang dahat kinurmatan (tuhu kinurmat)

Ø  Para kadang siswa ingkang sutresna ing budhi (cinaket ing manah)

Ø  Kinarya murwakani lampahing pawiyatan ing dinten punika, sumangga langkung rumiyin kula aturi jumeneng sawetawis, saperlu manungku puja, nyuwun mring Gusti Ingkang Murbeng Dumadi, mugi-mugi panjenengan sedaya dalah kula pinaringan kawilujengan salebetipun nderek Pawiyatan saha manah ingkang gumregah satemah saged kaconggah punapa ingkang dipun angkah

Ø  Manungku puja miturut ageman kapitadosan piyambak-piyambak, sumangga...

Ø  Manungku puja purna

Ø  Kalajengaken ngumandangaken lancaran permadani kuncara kanthi buka celuk dawah etangan kaping tiga kawiwitan..! ..... setunggal ..... kalih...!

Ø  Para kadang siswa kula aturi lenggah malih, kanthi suka rinaning penggalih

Ø  Dhumateng Bapa/Ibu Dwija, kula sumanggakaken

Ø  Nuwun, matur nuwun

Hastungkara Panutup

(dongan panutup)

Assalamu’alaikum wr. wb

Ø  Bapa/ibu Dwija ingkang dahat kinurmatan

Ø  Para kadang siswa ingkang sutresna ing budhi

Ø  Pinangka panutuping pawiyatan ing sonten punika, sumangga kula aturi jumeneng sawetawis, saperlu manungku puja, atur panuwun mring Gusti Ingkang Maha Agung, ingkang sampun maringi kekiyatan dhateng panjenengan sedaya dalasan kula satemah saged ndherek pawiyatan tansah lestantun raharja

Ø  Manungku puja miturut ageman kapitadosan piyambak-piyambak, sumangga...!

Ø  Manungku puja purna

Ø  Para kadhang siswa kula aturi lenggah malih, saperlu tata-tata nyamaptaaken punapa ingkang badhe kaasta kondur

Ø  Nuwun, maturnuwun

Ø  Sugeng kondur

Wassalamu’alaikum wr. wb 

Romeltea Media

MUHTAR S. HIDAYAT USIQ WONOSOBO Updated at: 12:52 PM